Dawo dawo: Buhari ya roki yan Najeriya dake kasashen waje dasu dawo Najeriya

Dawo dawo: Buhari ya roki yan Najeriya dake kasashen waje dasu dawo Najeriya

Shugaban kasa Muhammadu Buhari yayi kira gay an Najeriya mazauna kasashen waje dasu dawo gida Najeriya don a taru a ciyar da kasar gaba, saboda a cewarsa Najeriya ta fara gyaruwa, inji rahoton jaridar Daily Trust.

KU KARANTA: Jigo a jam’iyyar PDP ya gamu da ajalinsa a hannun yan bindiga a jihar Adamawa

Majiyar NAIJ.com ta ruwaito ministan kimiyya da fasaha, Ogbonnaya Onu ne ya bayyana haka a yayin ganawa da yan Najeriya mazauna kasar Amurka, inda yace a yanzu sabuwar Najeriya ake ginawa a karkashin shugabancin Muhammadu Buhari.

Ministan ya tafi kasar Amurka ne don ya wayar ma yan Najeriya mazauna kasashen waje kai dangane da sabuwar dokar da shugaba Buhari ya rattafa ma hannu a kwanakin baya wanda ta nemi a fara duba yan Najeriya kafin wata kasa game da batun daukan aiki ko bada kwangila, musamman a fannin kimiyya, kirkire kirkire da kuma fasaha.

Ministan ya jinjina ma mazauna kasashen waje dangane da kudaden da suke aikawa Najeriya, wanda ya kai dala biliyan 22 a duk shekara, inda yace hakan na matukar taimaka ma tattalin arzikin Najeriya.

“Amma mun fi son ku dawo Najeriya, komawarku Najeriya nada matukar amfani garemu, mun san ba kowa bane zai iya dawowa gida, amma koda kadan kadan ne ku fara dawowa. Sakon dana zo muku dashi shine abubuwa sun fara gyaruwa a kasarnan.

“Gaskiyar maganar itace babu yadda za’ayi ka gyara matsalolin baya farat daya, amma abu mai muhimmanci shine an fara samun canji, ba wai zamu yi ta jira bane har sai komai ya gyaru a Najeriya sa’annan zamu dawo.” Inji shi.

Bugu da kari Ministan ya bayyana musu cewa Naejriya bata samun gagarumin cigaba ta bangaren manyan ayyuka ba kamar a wannan gwamnatin, inda yake akwai aikin gina manyan hanyoyi da sauransu dake tafiya a duk fadin kasarnan.

Ku biyo mu a https://www.facebook.com/naijcomhausa

ko a http://twitter.com/naijcomhausa

KU LATSA: Hanyar sauko da sabuwar manhajar jaridar NAIJ.com Hausa cikin sauki

Ga masu shawara ko korafi, a same mu a labaranhausa@corp.naij.com

Source: Hausa.naija.ng

Related news
Gwamnan Jihar Ribas ya bayyana takarar Kujerar da ba zai nema ba a Zaben 2019

Gwamnan Jihar Ribas ya bayyana takarar Kujerar da ba zai nema ba a Zaben 2019

Gwamnan Jihar Ribas ya bayyana takarar Kujerar da ba zai nema ba a Zaben 2019
NAIJ.com
Mailfire view pixel