Ba na adawa da amfani da katin zabe da na’urar tantance katin zabe - Buhari

Shugaban kasa Muhammadu Buhari ya ga laifin wani rahoton dake cewa shi yana adawa da amfani da katin zabe da kuma na’urar tantance katin zaben a zabe mai zuwa.

Buhari a wata sanarwa a jiya ta hannun babban mai bashi shawara a kafofin watsa labarai, Malam Garba Shehu yace zarge-zargen cewa yaki sanya hannu a dokar da aka gabatar masa saboda yana adawa da amfani da na’urar tantance katin zabe ba gaskiya bane kuma baida tushe.

“Shugaba Buharu bai taba nuna adawa ga amfani da na’urar tantance katin zabe ba a zabukan Najeriya.

“Sabanin haka a koda yashe yana nuna ga amfani da katin zabe da na’urar tantance katin zabe a zabukan Najeriya, duba ga irin rawar ganin da katiun zaben da na’urar tantance katin suka taka wajen kawo shi ga matsayin da yake kai a zaben da ya gabata. Kuma ya sha fadin haka da kuma yabama hakan,” inji shi.

KU KARANTA KUMA: Kasafin kudi: Honarabul Abdulmumin Jibrin ya yabawa Gwamnatin El-Rufai

Yace akan dokar zabe da aka gyara wanda majalisar dokokin kasar ta gabatar a ranar 2 ga watan Agusta bai shiga hannun shugaban kasa sai a ranar 3 ga watan Agusta.

Kuma yana da kwanaki 30 daga ranar da ya karbi takardan don haka yana shawarwari.

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa

Ko a http://twitter.com/naijcomhausa

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Asali: Legit.ng