Wata Mata ta fito takarar Gwamnan Jihar Kaduna a Jam’iyyar APC

Wata Mata ta fito takarar Gwamnan Jihar Kaduna a Jam’iyyar APC

Mun samu labari cewa wata Baiwar Allah ta fito takarar Gwamnan Jihar Kaduna a karkashin Jam’iyyar APC mai mulki inda ta ke sa ran doke Gwamna ma-ci Mallam Nasir Ahmad El-Rufai.

Wata Mata ta fito takarar Gwamnan Jihar Kaduna a Jam’iyyar APC

Hajiya Zainab Ibrahim ta shirya ba El-Rufai mamaki

Watakila Gwamnan Jihar Kaduna Malam El-Rufai zai fuskanci kalubale a zabe mai zuwa ne har a cikin gida watau Jam’iyyar sa ta APC mai mulki. Hajiya Zainab Ibrahim ce ta sha alwashin tika Gwamnan Jihar da kasa a zaben 2019.

Zainab Ibrahim wanda mu ka ga wasu fastocin ta, ta nuna cewa babu gudu kuma babu ja-da-baya za tayi wannan takara inda ta ke sa ran kada Gwamna mai-ci daga kujerar sa kuma a Jam’iyyar sa. Hakan dai abu ne mai matukar wahala.

KU KARANTA: Ba zan janye shirin takara ta ba ko me zai faru - Dankwambo

Wannan Baiwar Allah da ba tayi fice a siyasa ba tayi karatu ainun inda har ta mallaki Digiri uku watau PhD. Kafin karshen shekarar nan ne za ayi zaben fitar da gwani na Jam’iyyun kasar nan inda za a gwabza babban zabe kuma a cikin 2019.

A Jihar Kaduna dai mun samu labari cewa Uba Sani wanda yana cikin masu ba Gwamna El-Rufai shawara ya fara kokarin tsayawa takarar Sanatan Kaduna ta tsakiya. Kwanan nan Sani ya gana da jama’a a manyan Unguwanni na Yankin Kaduna.

Kwanaki kun ji labari cewa wasu kusoshin Jam’iyyar APC sun fice daga Jam’iyyar a Jihar Kaduna. Jam’iyyar PDP tayi wani babban gangamin da ya rikita APC bayan Sanata Sulaiman Hunkuyi da wasu manyan APC a Jihar Kaduna sun sauya-sheka.

Idan ka na da wata shawara ko bukatar ba mu labari, a tuntube mu a labaranhausa@corp.naij.com

Ku same mu a https://www.facebook.com/naijcomhausa Ko a http://twitter.com/naijcomhausa

Latsa wannan domin samun sabuwar manhajar labarai ta NAIJ.com Hausa a wayar ku ta hannu: https://play.google.com/store/apps/details?id=com.naij.hausa&hl=en

Subscribe to watch new videos

Source: Hausa.naija.ng

Related news
Bayan ya aike da wasika, Fayose ya sake aikawa EFCC wani sakon

Bayan ya aike da wasika, Fayose ya sake aikawa EFCC wani sakon

Bayan ya aike da wasika, Fayose ya sake aikawa EFCC wani sakon
NAIJ.com
Mailfire view pixel