Mun yiwa 'yan Najeriya 31m shaidar 'Yan 'Kasa - NIMC

Mun yiwa 'yan Najeriya 31m shaidar 'Yan 'Kasa - NIMC

Hukumar tabbatar da shaidar dan kasa ta Najeriya watau NIMC (National Identity Management Commission), ta bayyana cewa ta yiwa fiye da 'yan Najeriya Miliyan 31 rajista dake tabbatar da shaidar su ta kasancewar su 'yan kasa.

A ranar Larabar da ta gabata ne shugaban reshen sadarwa na hukumar, Mr Loveday Chika, ya bayyana hakan yayin ganawa da manema labarai a babban birnin kasar nan na Abuja.

Chika yake cewa, wannan shine adadi na yara da manya da hukumar ta tabbatar da su a matsayin 'yan kasar Najeriya, inda adadin yara da hukumar ta tabbatar da shaidar su ya kai kimanin 255, 794 cikin shekaru goma sha daya da kafuwar ta.

Shugaban hukumar NIMC; Engr. Aliyu A. Aziz

Shugaban hukumar NIMC; Engr. Aliyu A. Aziz

Sai dai hukumar ba ta bayar da katin shaidar dan kasar ga Yara wanda suke kasa da shekaru 16 na haihuwa, inda ake sa ran karuwar adadin su da hukumar za ta yiwa rajista sakamakon hutun makarantu dake gabatowa kamar yadda Mista Chika ya bayyana.

KARANTA KUMA: Gwamnatin tarayya za ta tursasa Ma'aikata amfani da Jiragen ta yayin sufuri

NAIJ.com ta fahimci cewa, hukumar za ta gabatar da katin shaidar haihuwa ga yaran ne da ta yiwa rajista a duk sa'ilin da suka kai shekaru 16 da haihuwar su.

Kazalika, hukumar tana shawartar al'ummar kasar da ba su yi rajisatar ba akan sun garzaya cibiyoyin su na kur kusa domin tabbatar da shaidar su. Wannan shaida za ta taimaka kwarai da aniyya wajen ribatar wasu hidimomi na gwamnatin musamman bude asusun ajiya a bankunan kasar nan.

Latsa wannan domin samun sabuwar manhajar labarai ta NAIJ.com Hausa a wayar ku ta hannu: https://play.google.com/store/apps/details?id=com.naij.hausa&hl=en

Domin shawara ko buƙatar bamu labari, tuntuɓe mu a: labaranhausa@corp.naij.com

Ku duba shafukanmu na dandalin sada zumunta a:

https://facebook.com/naijcomhausa

https://twitter.com/naijcomhausa

Subscribe to watch new videos

Source: Hausa.naija.ng

Related news
2019: Matsaloli 3 da Jam'iyyar PDP za ta fuskanta yayin Zaben fitar da gwani

2019: Matsaloli 3 da Jam'iyyar PDP za ta fuskanta yayin Zaben fitar da gwani

2019: Matsaloli 3 da Jam'iyyar PDP za ta fuskanta yayin Zaben fitar da gwani
NAIJ.com
Mailfire view pixel