Dawo-dawo: An yi bikin jar hula bayan Sanata Kwankwaso ya dawo PDP

Dawo-dawo: An yi bikin jar hula bayan Sanata Kwankwaso ya dawo PDP

Jiya Talata ne tsohon Gwamnan Kano Rabiu Musa Kwankwaso da wasu manyan ‘Yan Majalisar Kasar su ka tsere daga Jam’iyyar APC su ka dawo asalin Jam’iyyar su ta da watau PDP.

Mun samu labari cewa a wasu wurare a cikin Jihar Kano an yi bikin murna da aka ji cewa Sanatan ya fice daga Jam’iyyar APC mai mulki. Wasu Matasa sun fito sun kona tsintsiyoyi da wuta domin nuna watsi da su kayi da APC.

Dawo-dawo: An yi bikin jar hula bayan Sanata Kwankwaso ya dawo PDP

Magoya bayan Kwankwaso sun kona tsinstsiya a Kano

‘Yan Mata da Samari ne su ka fito cikin jar hula da jan kallabi wanda ke nuna alamar Kwankwasiyya su na kona tsintsiya a jiya da rana. Jam’iyyar APC mai mulki da su Sanata Kwankwaso ya bari ce mai alamar tsintsiya a kasar.

KU KARANTA: Tun ba yau ba Kwankwaso ya bar APC - Kakakin Majalisar Kano

‘Yan Kwankwasiyyan watau Mabiya tsohon Gwamna Rabiu Kwankwaso sun fito su na ihu su na kiran cewa sai Kwankwaso yayi mulkin kasar nan. Mabiya tsohon Gwamnan sun ce Kwankwaso ne zai kora yunwa a Najeriya.

A jiya dai bayan tsohon Gwamnan ya bar APC yayi maza ya gana da tsohon Gwamnan Jigawa Sule Lamido sannan kuma ya zauna da Mataimakin Shugaban Majalisar Dattawa Ike Ekweremadu a gidan sa inda har su ka ci abinci.

Ku na da labari cewa Sanatoci fiye da 10 su ka bar APC, daga ciki akwai Sanatocin Bauchi, Jigawa, Adamawa da wasu Sanatoci daga Jihar Kwara. Bayan nan kuma akwai ‘Yan Majalisar Wakilan Tarayya fiye da 30 da su koma PDP.

Idan ka na da wata shawara ko bukatar ba mu labari, a tuntube mu a labaranhausa@corp.naij.com

Ku same mu a https://www.facebook.com/naijcomhausa

Ko a http://twitter.com/naijcomhausa

Latsa wannan domin samun sabuwar manhajar labarai ta NAIJ.com Hausa a wayar ku ta hannu: https://play.google.com/store/apps/details?id=com.naij.hausa&hl=en

Subscribe to watch new videos

Source: Hausa.naija.ng

Related news
Jam'iyyar PDP ne neman a tsige Sanatanta da ya sauya sheka zuwa APC

Jam'iyyar PDP ne neman a tsige Sanatanta da ya sauya sheka zuwa APC

Bayan ya sauya sheka zuwa APC, PDP ne neman tsige Sanata Akpabio
NAIJ.com
Mailfire view pixel