Zaben 2019: Ku samu katin zabe ku zabi wanda ku ka ga dama Inji Shugaba Buhari

Zaben 2019: Ku samu katin zabe ku zabi wanda ku ka ga dama Inji Shugaba Buhari

- Shugaba Buhari yace fasahar da aka yi aiki da ita a 2015 ta sa yayi nasara

- Jiya Shugaban Kasar yayi kira ga mutane su mallaki katin zabe na P.V.C

- Buhari yace ta haka ne jama’a za su zabi duk wanda su ke so a zaben 2019

Mun samu labari cewa yayin da Shugaban Kasa Muhammadu Buhari yake jawabi lokacin da ya sha ruwa da wasu manyan Alkalai jiya ya nemi ‘Yan Najeriya su zabi duk wanda su ke so a zaben 2019.

Zaben 2019: Ku samu katin zabe ku zabi wanda ku ka ga dama Inji Shugaba Buhari

Shugaba Buhari yace jama'a su zabi wanda su ke so a 2019

Yayin da zabe mai zuwa na 2019 ya karaso, Shugaban Kasar ya ba mutane shawara cewa su mallaki katin zaben su na din-din-din watau PVC domin su zabi wanda su ke so. Shugaban Kasar ya bayyana wannan ne jiya a lokacin buda-baki.

KU KARANTA: Bincike ya gaskata wasu kalaman Shugaba Buhari

Shugaban Kasar yayi buda-bakin ne a Fadar Aso Villa tare da Tawagar Babban Alkalin Kotun Koli na kasar Okukayode Ariwoola. Shugaban Kasar yace amfani da fasahar zamani da aka yi a zaben 2015 ya taimaka masa wajen lashe zaben.

Buhari dai yace ya fadawa Gwamnoni su wayar da kan al’ummar su game da harkar zabe inda ya kara da cewa sai da yayi takara sau 4 sannan ya samu sa’ar yin nasara a zaben Kasar. Kafin 2015, Shugaban yace coge ake yi kurum wajen zabe.

A wajen taron dai Shugaban Kasar ya nemi Alkalan su yi kira ga jama’an su da su yi katin zabe domin kare kuri’ar su. Shugaba Buhari yace tsarin da aka kawo na na’urar da ke tantance katin zabe ya kawo gyara matuka a lamarin zaben kasar.

Idan ka na da wata shawara ko bukatar ba mu labari, a tuntube mu a labaranhausa@corp.naij.com

Ku same mu a https://www.facebook.com/naijcomhausa

Ko a http://twitter.com/naijcomhausa

Latsa wannan domin samun sabuwar manhajar labarai ta NAIJ.com Hausa a wayar ku ta hannu: https://play.google.com/store/apps/details?id=com.naij.hausa&hl=en

Subscribe to watch new videos

Source: Hausa.naija.ng

Related news
Sallar idi: Sanata Rabiu Kwankwaso yayi sallah a Kudancin Najeriya

Tsohon Gwamnan Kano Kwankwaso yayi sallah a Jihar Edo

Tsohon Gwamnan Kano Kwankwaso yayi sallah a Jihar Edo
NAIJ.com
Mailfire view pixel