Zaben 2019: INEC zata fara raba katin zabe na din-din-din

- Hukumar zabe mai zaman kanta ta kasa (INEC) ta tabbatar da cewa zata fara rarraba katin zabe na din-din-din ga masu su ranar 21 ga watan Mayu.

- Katin zaben dai sai da shi ne ake samun damar yin zabe kamar yadda dokokin hukumar zaben ta kasa ya nuna

Rahotannin da Legit.ng ta tattara a bayan shafin hukumar ta kafar sadarwa ta Tweeter ya wallafa, ya nuna cewa hukumar zata fara bawa duk wadanda suka yi rijista a shekarar 2017 da wadanda suka bukaci a sauya musu nasu da su je ofishin hukumar na kananan hukumomi dake jahohinsu domin fara karba.

A baya dai mun rawaito muku yadda Sanatan Legas ta tsakiya Oluremi Tinubu tayi kira ga shugaban kasa Muhammadu Buhari da ya bayar da hutu a ranar 6 ga watan Mayu domin kowa yaje ya karbi katin zaben nasa kafin wa’adin watan Disambar shekarar nan da muke ciki 2018 ya cika.

KU KARANTA: Mai dokar bacci: Kalli hotuna da Bidiyon wasu ‘Yan sandan SARS na shan wiwi da giya

A cewarta katin na PVC shi ne abinda zai ba kowa damar shiga a dama da shi yayin gudanar da zaben shekara ta 2019, a bisa haka ne tayi kira ga duk wadanda suka cika shekarun kada kuri’ar da su tabbata sun karbi nasu katin.

Hakan na zuwa bayan da hukumar ta INEC ta bayyana cewa akwai Miliyoyin katinan jama’a da har yanzu ba’a karba ba a kasa baki daya wand ajihar Legas take da guda dubu dari hudu da ba’a karba ba.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari, Tuntube mu a: labaranhausa@corp.legit.ng

Asali: Legit.ng