Zuwan Shugaba Buhari tafsir ya jawo ce-ce-ku-ce

'Yan Najeriya yanzu haka dai suna ta ci gaba da bayyana mabanbantan ra'ayoyinsu daban-daban game da wasu hotunan Shugaban Kasar Muhammadu Buhari da hadiman sa suka fitar lokacin da ya ke sauraron tafsirin Al-qur'ani mai girma a fadarsa da ke garin Abuja, babban birnin tarayya.

Mun samu cewa dai a ranar Alhamis din da ta gabata ne dai fadar shugaban ta yada hoton a shafukan sada zumuntar ta.

KU KARANTA: An bankado badakalar tiriliyan 8 a gwamnatin tarayya

Legit.ng ta samu cewa sai dai hakan ya ja hankalin al'ummar kasar sosai biyo bayan wallafa hotunan musamman ma a shafin sadarwar zamani na Facebook.

Wasu daga cikin talakawan kasar dai suna ganin cewa halartar tafsirin tare da yada hotunan sa siyasa ce kawai ganin cewa zaben shekarar 2019 na kara karatowa.

A dayan bangaren kuma, magoya bayan shugaban suna ganin hakan bai da alaka da siyasa sannan kuma suna ta kara yaba masa da kuma yi masa addu'ar samun nasara da karin lafiya.

Idan ka na da wani shawara ko bukatan bamu labari, tuntube mu a labaranhausa@corp.legit.ng Ku ci gaba da bin mu a Facebook: https://www.facebook.com/naijcomhausa da

Kuma Tuwita: http://twitter.com/naijcomhausa

KU LATSA: Sabuwar hanyar karanta labarain Legit.ng HAUSA

https://play.google.com/store/apps/details?id=com.naij.hausa&hl=en

Asali: Legit.ng