Man City tayi abin da ba a taba yi ba a tarihin kwallon Ingila

Man City tayi abin da ba a taba yi ba a tarihin kwallon Ingila

A bana dai Kungiyar Manchester City ce ta lashe Gasar Firimiya na Ingila. Kocin Kungiyar Pep Guardiola ya samu lambar yabo daga ko ina a Duniya bayan ya kafa wasu tarihi da zai yi wahala a iya doke su kwanan nan.

Man City tayi abin da ba a taba yi ba a tarihin kwallon Ingila

Kungiyar Man City ta kafa tarihi a Kasar Ingila

Mun tattaro wasu daga cikin tarihin da Manchester City ta kafa a gasar wannan shekarar wanda su ka hada da samun makin da babu wanda ya taba lashewa a gasar.

1. Maki 100 a Gasar BPL

Tun da aka fara Gasar Firimiya ba a taba samun Kungiyar da ta tashi da maki 100 a shekara guda ba sai Man City a bana.

2. Yawan kwallaye

Adadin kwallayen da City ta dirka a raga ma dai ya shiga tarihi don kuwa a bana sai da Man City ta jefa kwallaye 105 a Ingila.

KU KARANTA: Ba mamaki Tsohon ‘Dan wasan Arsenal ya zama sabon Koci

3. Nasarori a waje da gida

Haka kuma idan ana maganar samun nasara a wajen gida babu wanda ya taba yin abin da Guadiola yayi. City ta ci wasanni 16 da ta buga ba a gida ba.

4. Nasarori a jere

Ban da cewa Man City ta ci wasanni 16 a waje da gida, Guardiola ya kuma yi wasanni 18 a jere yana cin wasanni ba tare da an taka masa burki ba.

5. Rarar kwallaye

An rufe teburin Firimiya ne dai Manchester City ta na da rara kwallaye 79. Babu kulob din da ya taba samun wannan nasara a Gasar Firimiya.

6. Rata a saman tebur

Haka kuma ba a taba samun zakarun da su ka ba na biyu a teburin Firimiya ratar maki 19 ba. Man United dai ta kare ne da maki 19 a bayan Makwabatan ta

.

Idan ka na da wata shawara ko bukatar ba mu labari, a tuntube mu a labaranhausa@corp.naij.com

Ku same mu a https://www.facebook.com/naijcomhausa

Ko a http://twitter.com/naijcomhausa

Latsa wannan domin samun sabuwar manhajar labarai ta NAIJ.com Hausa a wayar ku ta hannu: https://play.google.com/store/apps/details?id=com.naij.hausa&hl=en

Subscribe to watch new videos

Source: Hausa.naija.ng

Related news
Osinbajo ya turance larabawa a taron kasa da kasa a Dubai, kalli hotuna

Hotunan Osinbajo yayin da yake turance larabawa a wurin taron kasa da kasa a Dubai

Osinbajo ya turance larabawa a taron kasa da kasa a Dubai, kalli hotuna
NAIJ.com
Mailfire view pixel