Majalisar limamai da malamai na jihar Kaduna sunyi Allah wadai da tsine-tsinen El Rufa'i

Majalisar limamai da malamai na jihar Kaduna sunyi Allah wadai da tsine-tsinen El Rufa'i

Majalisar limamai da malamai na jihar Kaduna sunyi Allah wadai da tsine-tsinen da gwamnan jihar Mallam Nasir El Rufa'i yayi ga sanatocin jiharsa.

Da yake jawabi a yayin wani taron manema labarai da Majalisar ta kira a Ofishin ta dake Garin Kaduna, Shugaban Majalisar Malaman Sheikh Usman Abubakar Baban Tune, yace ya zama wajibi a garesu a matsayin su na Malaman Addinin Musulunci da su fito su shelantawa Duniya takaicin su gami da yin Allah wadai da kalaman Gwamnan.

Sheikh Baban Tune ya kara da cewa, ko kadan bai dace ba ace ana samun muggan kalamai da tsine tsine daga bakin jagora ba, saboda ba’a san jagora nagari da aikata hakan ba, saboda Shugaba nagari yana umarni ga zaman lafiya da kaucewa faruwar fitina ne, amma ba wai a samu Shugaba da hannu dumu dumu wajen yada fitina da umarnin tayar da zaune tsaye, ta hanyar umartar aci zarafi ko a wulakanta wasu saboda wani bambanci na siyasa ba.

Majalisar limamai da malamai na jihar Kaduna sunyi Allah wadai da tsine-tsinen El Rufa'i

Majalisar limamai da malamai na jihar Kaduna sunyi Allah wadai da tsine-tsinen El Rufa'i

Malaman sun cigaba da cewa, ita kalmar tsinuwa bata faduwa kasa a banza, idan wani ya bude baki ya tsinema wani ko wasu, to tsinuwar nan zata tashi sama ne tayi gabas tayi yamma sannan tayi kudu da Arewa, idan bata samu muhallin zama ba sai ta dawo kan wanda aka tsinemawa, idan ya tabbata bai da alhakin wannan tsinuwa, to sai tsinuwar ta dawo kan wanda ya furtata na asali tayi munmunan aiki a kanshi, ashe kuwa tsinema wani ko da Dabba ne yana da hatsari matuka ballantana tsinewa Dan Adam, kuma abin bakin ciki tsinuwar ta fito ne daga bakin wanda yake a matsayin Shugaba.

Majalisar Limamai da Malaman sun koma koka gami da yin tir da matakan da Gwamnatin Jihar Kaduna ta dauka ta hanyar yi wa Jama'ar Jihar karfa karfa a yayin zaben kananan hukumomin da ya gabata, inda aka tauye hakkin 'yan takara da dama akayi dauki dora kawai, bisa ga wannan a matsayinsu na shugabannin addini ba za su rungume hannu su zura ido ana irin wannan saka da mugun zare ba, dole ne su fito fili su fadi gaskiya, kuma matukar Gwamnan bai dawo hayyacin shi ba, za suyi amfani da damar dake hannun su a Mambarorin masallatan Juma'a da wuraren wa'azi domin ankarar da jama'a hatsarin zabar Shugabanni masu irin wadannan halaye.

Sai dai a mayar da martani da yayi akan Majalisar Limaman, Shugaban hukumar kula da harkokin addinai ta Jihar Kaduna Injiniya Muhammad Namadi Musa, ya nuna damuwar shi dangane da rashin bin koyarwar addini da Malaman su kayi ta kasa bin hanyar da ya kamata wajen yin nasiha ga mai girma Gwamnan, inda suka dauki matakin yin yekuwa ta kafafen yada labarai, amma duk da haka ya kamata Malaman su sani cewar Gwamna Mutum ne ajizi zai iya yin kuskure, kuma idan yayi kuskure akwai yadda addini ya tanada ayi mishi nasiha a addinance ba'a siyance ba.

KU KARANTA KUMA: Amfanin ‘ya’yan kankana 7 a jikin dan adam

Sannan kuma game da korafin cewa anyi karfa karfa a zaben kananan hukumomi da akayi a jihar, ya kamata Malaman da sauran jama'a su fahimci adalci na Gwamna El Rufa'i domin a kananan hukumomi 23 da ake da su a Jihar, Jam'iyyar adawa ta PDP ta lashe zabe a wasu kananan hukumomin jihar, sabanin yadda yake faruwa a wasu Jihohin inda ake haramtawa Jam'iyyun adawa koda kujerar Kansila.

Idan ka na da wata shawara ko bukatar ba mu labari, a tuntube mu a labaranhausa@corp.naij.com

Ku same mu a https://www.facebook.com/naijcomhausa Ko a http://twitter.com/naijcomhausa

Latsa wannan domin samun sabuwar manhajar labarai ta NAIJ.com Hausa a wayar ku ta hannu: https://play.google.com/store/apps/details?id=com.naij.hausa&hl=en

Subscribe to watch new videos

Source: Hausa.naija.ng

Related news
Daukar Aiki: Hukumar FRSC ta bayyana wadanda kada ma su sa rai da samun aikin ta

Daukar Aiki: Hukumar FRSC ta bayyana wadanda kada ma su sa rai da samun aikin ta

Daukar Aiki: Hukumar FRSC ta bayyana wadanda kada ma su sa rai da samun aikin ta
NAIJ.com
Mailfire view pixel