Kashe-Kashen Benuwe: Wani Lauya yayi karar shugaba Buhari a gaban Kuliya, ya bukaci a zartar da Hukuncin Ta'addanci kan Makiyaya

Kashe-Kashen Benuwe: Wani Lauya yayi karar shugaba Buhari a gaban Kuliya, ya bukaci a zartar da Hukuncin Ta'addanci kan Makiyaya

Wani fitaccen lauya na birnin Makurdi a jihar Benuwe, Mathew Nyiutsa, ya shigar da korafi gaban kotun tarayya dake birnin Abuja da bukatar sa ta zartar da hukunci akan makiyaya a matsayin kungiyar ta'adda.

Jaridar Daily Trust ta ruwaito cewa, wannan lauya ya shigar da korafin sa inda ya game shugaban kasa Muhammadu Buhari da kuma Ministan Shari'a, Abubakar Malami a matsayin masu amsa wannan lamari na korafi a gaban kotun ta tarayya.

Cikin korafin sa mai lamba FHC/ABJ/CS/499/18, lauyan yayi gargadin cewa al'amurran da makiyaya ke gudanarwa a jihar Benuwe da kuma kungiyar Miyetti Allah na janyo barazana ta ta'addanci wanda ya sabawa dokar ta'addanci da aka gindaya a kasar nan tun a shekarar 2011.

Lauyan ya yi koken cewa, makiyaya na ci gaba da muzgunawa al'ummar jihar Benuwe ta hanyar kashe-kashe da wulakantar da dukiyoyin su wanda a yanzu sun gurbata rayuwar su da mamaye yankin su na zamantakewa da suka gada tun iyaye da kakanni.

Kashe-Kashen Benuwe: Wani Lauya yayi karar shugaba Buhari a gaban Kuliya, ya bukaci a zartar da Hukuncin Ta'addanci kan Makiyaya

Kashe-Kashen Benuwe: Wani Lauya yayi karar shugaba Buhari a gaban Kuliya, ya bukaci a zartar da Hukuncin Ta'addanci kan Makiyaya

NAIJ.com ta fahimci cewa, lauyan yana neman kotu da ta yi nazari mai zurfi cikin al'amurran da suka wakana a jihar a tsakanin ranar 1 ga watan Janairun 2018 zuwa watan Mayu da rayuka sama da 200 suka salwanta.

KARANTA KUMA: Hukumar Sojin Sama ta kaddamar da wani Sabon Rukuni a Jihar Osun

Rahotanni sun bayyana cewa, al'ummomin Guma, Logo, Makurdi, Gwer, Buruku, Tarka, Katsina-Ala da kuma Ukum na jihar Benuwe na cikin halin kakanikayi sakamakon harin makiyaya da suka afku.

A yayin haka kuma Lauya Mathew ya bukaci diyya ta kimanin N50m a sakamakon asara da hare-haren suka janyo a gare shi, inda a halin yanzu yake neman kotu ta kayyade rana ta fara sauraron karar sa.

Latsa wannan domin samun sabuwar manhajar labarai ta NAIJ.com Hausa a wayar ku ta hannu: https://play.google.com/store/apps/details?id=com.naij.hausa&hl=en

Domin shawara ko buƙatar bamu labari, tuntuɓe mu a: labaranhausa@corp.naij.com

Ku duba shafukanmu na dandalin sada zumunta a:

https://facebook.com/naijcomhausa

https://twitter.com/naijcomhausa

Subscribe to watch new videos

Source: Hausa.naija.ng

Related news
Sabon rahoto: Yawan dalibai da gwamnatin Tarayya ta APC ke ciyarwa da kuma yawan jihohin sun karu

Sabon rahoto: Yawan dalibai da gwamnatin Tarayya ta APC ke ciyarwa da kuma yawan jihohin sun karu

Sabon rahoto: Yawan dalibai da gwamnatin Tarayya ta APC ke ciyarwa da kuma yawan jihohin sun karu
NAIJ.com
Mailfire view pixel