Har ila yau: Wani dan majalisar wakilai ya kara ficewa daga jam’iyyar PDP

- A karo na farko wani mamba a majalisar wakilai ya canja sheka daga jam’iyyar PDP zuwa jam’iyyar SDP

- Dan majalisar, Olamide Oni, mai wakiltar Ijero/Ekiti ta yamma/Efo ya bayyana ficewar sa daga PDP yayin zaman majalisar nay au

- Ya ce ya bar jam’iyyar ne saboda rabuwar kai dake PDP duk da cewar a karkashin inuwar ta ya lashe zaben day a kwo shi majalisar

A karo na farko wani mamba a majalisar wakilai, Olamide Oni, ya canja sheka daga jam’iyyar PDP zuwa jam’iyyar SDP.

Dan majalisar, Olamide Oni, mai wakiltar Ijero/Ekiti ta yamma/Efo , dake jihar Ekiti ya bayyana ficewar sa daga PDP yayin zaman majalisar na yau, Laraba.

Da yake bayyana dalilin san a ficewa daga PDP, Oni, ya ce rabuwar kai dake jam’iyyar ne sababin barin ta duk da cewar a karkashin inuwar ta ya lashe zaben da ya kwo shi majalisar ta wakilai.

Mista Oni ne dan majalisa na farko day a bayyana shiga jam’iyyar SDP da yanzu ke kokarin hada kan tsofin shugabannin Najeriya da ‘yan Najeriya karkashin jagorancin Obasanjo domin karbar mulki daga hannun jam’iyyar APC a zabe mai zuwa.

DUBA WANNAN: Bayan sace sandar ikon majalisa ‘yan mazabar sanata Omo-Agege sun yi wata barazana

SDP ta bayyana cewar wasu gwamnoni da mambobin majalisar tarayya daga jam’iyyar APC da PDP zasu shiga jam’iyyar.

Tuni jagororin jam’iyyar PDP; Farfesa Jerry Gana da Tunde Adeniran, suka saka kafa suka fice daga PDP tare da komawa SDP bayan kamala zaben shugabannin jam’iyya a PDP.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng