Tirkashi: Sowore yayi alkawarin karawa ma’aikata albashi da kuma inganta wutan lantarki da tsaro

Tirkashi: Sowore yayi alkawarin karawa ma’aikata albashi da kuma inganta wutan lantarki da tsaro

Mun kawo maku manyan alkawuran da Yele Sowore wanda ya fito takarar Shugaban kasa a zaben 2019 yayi wa ‘Yan kasar. Sowore dai ya kawo tarin alkawura da yace zai cika idan ya samu mulki.

Omoyele Sowore shi yake da gidan watsa labaran nan na Sahara Reporters da ke Kasar Amurka kuma Matashi ne mai shekaru 48 da yake shirin kawo gyara a harkar wuta da tattalin arziki da ilmi da dai sauran su.

1. Yaki da cin hanci

Sowore yayi alkawarin gyara wasu tsare-tsare na Shugaba Buhari sannan kuma zai haramtawa tsofaffin barayin kasar nan shiga cikin siyasa har abada.

KU KARANTA: Kotu ta wanke Ministan Jonathan daga zargin da ke kan sa

2. Tattalin arziki

Omoyele Sowore ya sha alwashin samawa Matasa miliyan 5 sana’a duk shekara ta hanyar daukar malaman gona da Malaman makaranta. Sowore zai maida karancin albashi N100, 000 ga Ma’aikatan Gwamnatin Tarayya kuma za a karawa masu bautar kasa alawsus zuwa N50, 000.

3. Abubuwan more rayuwa

Haka nan dai kuma, Sowore yace zai shimfida tituna sababbi har na kilomita 200, 000 ban da kuma layin jirgin kasa da zai tada. Haka kuma Sowore yace zai ginawa jama’a gidaje har miliyan 17.

4. Wutan lantarki

Matashin yace idan ya samu mulki, Najeriya za ta samu megawatt na wuta sama da 24, 000. Sannan kuma za a bar kowace Jiha ta ja wutan ta.

5. Harkar tsaro

A bangaren tsaro ma dai saurayin ba a bar shi a baya ba don kuwa yayi alkawrin kawo karshen rikicin Boko Haram da kuma magance matsalar Makiyaya a Najeriya.

Idan ka na da wata shawara ko bukatar ba mu labari, a tuntube mu a labaranhausa@corp.naij.com

Ku same mu a https://www.facebook.com/naijcomhausa

Ko a http://twitter.com/naijcomhausa

Latsa wannan domin samun sabuwar manhajar labarai ta NAIJ.com Hausa a wayar ku ta hannu: https://play.google.com/store/apps/details?id=com.naij.hausa&hl=en

Subscribe to watch new videos

Source: Hausa.naija.ng

Related news
Masu garkuwa sun sace matar wani malamin addini a Kaduna bayan sun kashe shi

Masu garkuwa sun sace matar wani malamin addini a Kaduna bayan sun kashe shi

Hari la yau: ‘Yan bindiga a Kaduna sun sace matar malamin addini bayan sun kashe shi
NAIJ.com
Mailfire view pixel