Buhari zai hallarci bikin cikar kasar Ghana shekaru 61

Buhari zai hallarci bikin cikar kasar Ghana shekaru 61

- A ranar Talata, 6 ga watan Maris, kasar Ghana ke murnar cika shekaru 61 da samun 'yanci

- Shugaba Buhari zai bar gida Najeriya zuwa birnin Accra na kasar Ghana domin halartar shagalin bikin

- Buhari ne kadai shugaban kasa da kasar ta Ghana ta gayyata don ya halarci taron

Shugaba Muhammadu Buhari zai bar gida Najeriya a gobe Litinin domin halartar taron bukukuwan cikar kasar Ghana shekaru 61 da samun 'yanci.

Shugaba Buhari zai sauka a Accra, babban birnin kasar Ghana, a gobe domin jerin bukukuwan da za a gabatar ranar Talata, 6 ga wata.

Buhari zai hallarci bikin cikar kasar Ghana shekaru 61
Buhari zai hallarci bikin cikar kasar Ghana shekaru 61

Mai magana da yawun shugaban kasa, Femi Adesina, ya fitar da wannan sanarwa. Adesina ya bayyana cewar, shugaba Buhari ya kafa tarihi a matsayin shugaban kasa daya tilo da kasar Ghana ta gayyata domin halartar taron, kuma mutum na biyu, bayan shugaban kasar Ghana, Nana Akufo-Addo, da zasu yi jawabi wurin taron.

KU KARANTA: Ganduje ya bawa Ajimobi mamaki bayan ya nemi a biya N50,000 a matsayin sadakin auren diyar sa

Buhari zai yi amfani da damar jawabinsa wajen yin waiwaye a kan yadda kasashen Najeriya da Ghana su ka dade su na zumunta tare da jaddada imanin Najeriya a kulla kawance tsakanin kasashen Afrika ta yamma, da ma nahiyar Afrika bakidaya.

A tawagar shugaba Buhari akwai; Ministan harkokin kasashen waje Geoffrey Onyeama, mai ba shi shawara a kan har tsaro, Babagana Monguno.

Shugaba Buhari zai dawo gida Najeriya a ranar ta Talata bayan kammala taron.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Online view pixel